dal3
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

dal3

هلا والله شرفتو
 
الرئيسيةأحدث الصورالتسجيلدخول

 

 الجزء الثالــــــــث

اذهب الى الأسفل 
كاتب الموضوعرسالة
VAPID

VAPID


عدد الرسائل : 70
العمر : 36
تاريخ التسجيل : 25/11/2008

الجزء الثالــــــــث Empty
مُساهمةموضوع: الجزء الثالــــــــث   الجزء الثالــــــــث I_icon_minitimeالسبت نوفمبر 29, 2008 3:26 am

الجزء الثاالث
----------------------
الفصل الاول:
مرت عليهم اربعه ايام واهم بميلان ... قُمر تناست الموقف اللي صار ويا خالد وخالد بعد تناسى الموضوع تماما وحاول انه يندمج ويا قُمر...قُمر بنت حبابه ... ذكيه مثقفه وتحب تتعلم بس مغرورة شوي وعندها عزة نفس ولو انها ساعات تتصرف مثل اليهال بس معذورة اهي اصغر من خالد بخمس سنين وربت تربيه مختلفه عن تربيه خالد المتحررة شوي بس يظل مخها متفتح لامور وايد ... هذا اللي حسه خالد ...
قُمر كانت تبي تفكر بخالد بطريقه ثانيه بس سرعان ماترد حق افكارها انه مغرور ومتكبر ... ومنطوي على نفسه وايد ... لين يتكلم يتكلم باقتضاب واختصار ولين يطرح موضوع يطرحه بطريقه ان ما يكون من بعده نقاش ... في هذي الاثناء تخلوا عن الطلعات والنزهات وقعدوا بالبيت سوالف ومواضيع يحاولون يذوبون الثلج اللي بيناتهم
على الغدى...
خالد: زهبي اغراضج قُمر لاننا بنطلع من هني بنروح روما ...
قُمر برعب: شلون بنروح...
خالد: بالطيارة بعد شلون
قُمر تحسبت ... اعيد المعاناه مرة ثانيه ... يا ربي والله ملل
خالد: قُمر انتي تخافين من الطيران
قُمر باحراج بالغ : لا بس ..................... أي
خالد: ماله داعي تنحرجين بالعكس هذا شي طبيعي ... ويمكن اذا عودتي نفسج على الموضوع راح تتناسين هالمشاعر شوي شوي
قُمر: بحاول .... وكم بتاخذ الرحله...
خالد: مو وايد نص ساعه يمكن ...
قُمر: زين ... أروح ازهب اغراضي ... بنرد ميلان ولا لاء
خالد: انتي تبين تردين
قُمر: لا
خالد: بس عيل خذي وياج كل اغراضج لاننا ما بنرد هني ...
قُمر راحت دارها وزهبت اغراضها وعدلت امورها ويا الخدامه ... وخالد رتب اغراضه بنفسه لان ما يحب احد يلمسها ...
بعد ما خلصت قُمر من الشغل قعدت على الكرسي ... حملت دفتر ورفعت ريلها على الطاوله وشعرها مرفوع والخصلات طايحه من كل صوب تكتب خاطره...

بارد كالثلج ... متقلب زئبقي
تبدو يده كالسوط عندما يغضب ولكن ...
قل ما اهتم له ...
صرخه واحده هشمت طيبتي معه...
وتركتها مهمشه احاول ان اصلحها بالتناسي ....
مغرور هكذا لما ...
ماذا به يقصر عن الناس ....
الانه فارس العرب او ... ابن الاصاله
ياروحي وزعي من طيبتك شيئا علها تصل الىالمغرور جاري ...
وتتلوح النسمات الصافيه بحياته العكرة ويخلي سبيلي ....

عنوان الخاطرة (من يحسب نفسه)

سكرت الدفتر وقعدت تفكر ... من اول ما وصلت كلمت امها مرتين بس ... ولولوة من بعد مااختفت ما شافتها ولا سمعت عنها شي مرة ثانيه ... قامت تتصل في لولوة ... تركت دفترها مفتوح بغرفتها والباب ماانصك زين ...
تدق على حبات الرقم وتنتظر .... وصلها الخط
قُمر: الو
الصوت كان صوت رجالي: الوو
قُمر علت على صوتها : الو السلام عليكم ... لولوة هني
الطرف الثاني : من يبيها ...
قُمر: انا قُمر بن ضاحي ... ابي لولوة
زايد كان بالطرف الثاني ... وقف قلبه يوم سمع صوت قُمر ... حبيبته قُمر ... حياته قُمر ... شنو يعزها وشنو يحبها ... تمناها له ولكنها راحت لغيره ...
زايد: شخبارج قُمر
قُمر استغربت: بخير الحمد لله من معاي.
زايد بصوت حزين: انه زايد
قُمر ما سمعت: منو
زايد علا على صوته: انه زايد يا قُمر . .زايد
قُمر وقف قلبها ... هذي اول مرة تكلم زايد بالتلفون او بحياتها ... وحست ان كل شي بجسمها يرتعش ... كان صوته قوي ... وحزين ... بس ما حبت تطول وياه
قُمر: هلا اخوي زايد ... شخبارك ان شالله ابخير
زايد زادت جروحه من قاالت اخوي: بخير الحمد لله الله يسلمج ... وانتي شخبارج
قُمر: تمام ... وينها لولوة ؟؟
زايد: لولوة مو هني ... طلعت ويا ارفيجاتها ...
قُمر: اهاا. اذا يت قول لها اني اتصلت لها وبعيد اتصالي لها مرة ثانيه
زايد: يصير خير يالغاليه ... ديري بالج على حالج
قُمر واهي مستحيه : الله يخليك اخوي وانتوا وبعد ... مع السلامه
زايد: في حفظ الرحمن ........................... انسد الخط ................... قبل لا يقول اللي بغى يقوله
الرجوع الى أعلى الصفحة اذهب الى الأسفل
 
الجزء الثالــــــــث
الرجوع الى أعلى الصفحة 
صفحة 1 من اصل 1
 مواضيع مماثلة
-
» الجزء الرابـــــع
» الجزء السادس
» الجزء السابع
» الجزء التاسع
» تابع الجزء الثالث

صلاحيات هذا المنتدى:لاتستطيع الرد على المواضيع في هذا المنتدى
dal3 :: ღ مـنـتـدى الـقـصـة والـروايـة ღ-
انتقل الى: